គណបក្សសម្ព័ន្ធដើម្បីប្រជាធិបតេយ្យ

លក្ខន្តិកៈ

camldp — Tue, 15 Feb 2011 06:28:08 +0000

ចុចទីនេះដើម្បីទាញពង្រាងលក្ខន្តិកៈពង្រាងលក្ខន្តិកៈ (185)

ដោយធ្លាប់រងការឈឺចាប់សព្វបែបយ៉ាង កាលដែលប្រទេសជាតិស្ថិតនៅក្រោមរណបបរទេស និង ជាពិសេសនៅក្រោមរបប ប្រល័យពូជសាសន៍ (១៩៧៥-១៩៧៩)
ដោយមានបំណងឱ្យការផ្ទេរអំណាចដឹកនាំប្រទេសជាតិ ធ្វើទៅបានរលូន តាមគន្លងប្រជាធិបតេយ្យ
ដោយយល់ច្បាស់ថា ប្រទេសកម្ពុជាត្រូវឈានដល់របត់កែប្រែមួយយ៉ាងសំខាន់ក្នុងប្រវត្តិសាស្ត្រ

ប្រជាពលរដ្ឋខ្មែរមួយក្រុម ដែលមានទស្សនៈ និងការយល់ឃើញប្រហាក់ប្រហែលគ្នា ពុះពោរដោយឆន្ទៈ និងការ ប្តេជ្ញាមោះមុត បានបូជាកំលាំងកាយចិត្ត ពិចារណារិះរកវិធីកែប្រែផ្នត់គំនិតមនុស្សក្នុងសង្គម ព្រមដោយមានការពិគ្រោះ យោបល់ ពិភក្សាជាមួយប្រជាពលរដ្ឋជាច្រើនទៀតរហូតដល់ព្រមព្រៀងគ្នាបង្កើត គណបក្ស សម្ព័ន្ធដើម្បីប្រជាធិបតេយ្យ នៅថ្ងៃទី ១៥ ខែកក្កដា ឆ្នាំ២០០៥ ដើម្បីចូលរួមកសាងប្រទេសជាមួយប្រជាពលរដ្ឋគ្រប់ស្រទាប់ និងអាចសម្រេចវាសនាខ្លួន ដោយខ្លួនឯង។

ការប្រជុំគ្នាជាបន្តបន្ទាប់ បានសម្រេចចេញជាអត្ថបទលក្ខន្តិកៈ ចុះថ្ងៃទី២៥ ខែឧសភា ឆ្នាំ២០០៦។ សមាជលើកទី១ របស់គណបក្សដែលបានប្រព្រឹត្តទៅនៅថ្ងៃទី ……………………. បានធ្វើវិសោធនកម្មលក្ខន្តិកៈឆ្នាំ២០០៦ ហើយ បាន អនុម័តអត្ថបទលក្ខន្តិកៈ ដូចតទៅ ៖

ជំពូក ១

បញ្ញត្តិទូទៅ

មាត្រា១ ៖ គណបក្ស សម្ព័ន្ធដើម្បីប្រជាធិបតេយ្យ មានអក្សរកាត់ គ. ស. ប ជាភាសាអង់គ្លេស

LEAGUE FOR DEMOCRACY PARTY ជាអក្សរកាត់ LDP។

មាត្រា២ ៖ គណបក្ស សម្ព័ន្ធដើម្បីប្រជាធិបតេយ្យ ប្រព្រឹត្តទៅក្នុងក្របខ័ណ្ឌរដ្ឋធម្មនុញ្ញនៃព្រះរាជាណាចក្រកម្ពុជា។

មាត្រា៣ ៖ គណបក្ស សម្ព័ន្ធដើម្បីប្រជាធិបតេយ្យ គឺជាអង្គការនយោបាយ ប្រមូលផ្តុំប្រជាពលរដ្ឋខ្មែរគ្រប់ស្រទាប់ ដែល គោរពស្រលាញ់សេរីភាព និងប្រជាធិបតេយ្យ។ បេសកកម្មរបស់គណបក្ស គឺជួយប្រជាពលរដ្ឋឱ្យយល់ដឹង ចេះកាន់ការ ប្រទេសជាតិតាមគន្លងប្រជាធិបតេយ្យ ហើយកសាងប្រទេសបានរុងរឿងសម្បូរសប្បាយ។

មាត្រា៤ ៖ គណបក្ស សម្ព័ន្ធដើម្បីប្រជាធិបតេយ្យ មានទីស្នាក់ការកណ្តាលតាំងនៅរាជធានីភ្នំពេញ ។ ទីស្នាក់ការ គណបក្ស សម្ព័ន្ធដើម្បីប្រជាធិបតេយ្យ ដែលតាំងនៅលើទឹកដីនៃព្រះរាជាណាចក្រកម្ពុជា មានឈ្មោះថា “ការិយាល័យ រាជធានី-ខេត្ត-ក្រុង ស្រុក-ខណ្ឌ ឃុំ-សង្កាត់ ”។

មាត្រា៥ ៖ គណបក្ស សម្ព័ន្ធដើម្បីប្រជាធិបតេយ្យ មានរូប “ជួង” ជាសញ្ញាសម្គាល់ និងមានបាវចនា

“រួមគិត រួមសម្រេច រួមធ្វើ”។

ជំពូក ២

បន្ទាត់នយោបាយ

មាត្រា៦ ៖ គណបក្ស សម្ព័ន្ធដើម្បីប្រជាធិបតេយ្យ មានបន្ទាត់នយោបាយដូចតទៅ ៖

១. កាត់បន្ថយអំណាចរដ្ឋ បម្រើប្រជាពលរដ្ឋជាម្ចាស់អំណាច កសាងប្រទេសសន្តិភាព ឯករាជ្យ និងមាន បូរណភាពទឹកដីពេញលេញ។

២. ប្រកាន់ខ្ជាប់គោលការណ៍ រួមគិត រួមសម្រេច រួមធ្វើ ដើម្បីស្តារ និងកសាងប្រទេសឱ្យបានសម្បូរ សប្បាយ និងមានសេចក្តីថ្លៃថ្នូរ។

៣. ជួយប្រជាពលរដ្ឋឱ្យបានទទួលចំណេះដឹងទូលំទូលាយ និងកសាងធនធានមនុស្ស។

៤. ធានាតុល្យភាពអំណាច ប្រសិទ្ធភាពនីតិរដ្ឋ និងបែងចែកចំណូលរដ្ឋតាមលំដាប់អាទិភាពដើម្បីធានា សន្តិសុខ និងការ បម្រើ សេវា សាធារណៈ ជូន ប្រជាពលរដ្ឋ។

៥. ជួយយុវជន បញ្ញវ័ន្ត ឱ្យមានលទ្ធភាពគ្រប់គ្រាន់ មានលក្ខណសម្បត្តិល្អប្រសើរ ដើម្បីរួមចំណែក បម្រើ ការងារកសាងប្រទេស។

៦. រក្សាមិត្តភាព ចំណងទាក់ទងល្អជាមួយប្រទេស និងប្រជាជាតិលើសកលលោក តាមគោលការណ៍ ស្មើភាព និងផលប្រយោជន៍ទៅវិញទៅមក។

ជំពូក ៣

សមាជិកភាព សិទ្ធិ និងករណីយកិច្ចសមាជិក

មាត្រា៧ ៖ ប្រជាពលរដ្ឋពេញវ័យគ្រប់រូប អាចធ្វើជាសមាជិករបស់គណបក្ស។

មាត្រា៨ ៖

១. សមាជិកគណបក្សមានសិទ្ធិស្មើគ្នា និងមានករណីយកិច្ចជួយកសាងគណបក្ស គោរពលក្ខន្តិកៈ បទបញ្ជាផ្ទៃក្នុង និងរាល់សេចក្តីសម្រេចរបស់ គណបក្ស។

២. សកម្មភាពរបស់សមាជិកគណបក្ស គឺសំដៅបម្រើប្រយោជន៍ប្រទេសជាតិ និងប្រយោជន៍មនុស្សទូទៅ។

មាត្រា៩ ៖ សមាជិកភាពអាចបាត់បង់ដោយសារមរណភាព ការលាឈប់ និងការចូលជាសមាជិកគណបក្សដទៃ។

ជំពូក ៤

ធនធានគណបក្ស

មាត្រា១០ ៖ ធនធានគណបក្ស គឺជាចលនវត្ថុ និងអចលនវត្ថុ ដែលបានចុះបញ្ជីសារពើភណ្ឌ។ បញ្ជីមួយច្បាប់តម្កល់នៅ អគ្គលេខាធិការដ្ឋាន និងមួយច្បាប់ទៀតនៅការិយាល័យប្រធានគណបក្ស។

១. ធនធានគណបក្សមានប្រភពពីភាគទានរបស់សមាជិក និងពីប្រភពស្របច្បាប់ផ្សេងៗទៀត។

២. របាយការណ៍ស្តីពីចំណូល ចំណាយរបស់គណបក្ស អាចផ្សព្វផ្សាយជាសាធារណៈ។

៣. សមាជិកគ្រប់រូបរបស់គណបក្សមានសិទ្ធិផ្ទៀងផ្ទាត់ ត្រួតពិនិត្យរបាយការណ៍ខាងលើនេះ លើកលែងតែបញ្ជី សារពើភណ្ឌនៃអចលនទ្រព្យ។

ជំពូក ៥

រចនាសម្ព័ន្ឋគណបក្ស

មាត្រា១១ ៖ រចនាសម្ព័ន្ធគណបក្ស គឺ ៖

១. សមាជគណបក្ស

២. គណៈកម្មាធិការកណ្តាល

៣. គណៈកម្មាធិការអចិន្ត្រៃយ៍៍

៤. ក្រុមប្រឹក្សាមូលដ្ឋាន

៥. ក្រុមប្រឹក្សាវិន័យ

សមាជគណបក្ស

មាត្រា១២ ៖ សមាជ ជាស្ថាប័នដឹកនាំខ្ពស់បំផុតរបស់គណបក្ស ដែលមានសមាជសាមញ្ញ និងសមាជវិសាមញ្ញ។

១. សមាជសាមញ្ញ ប្រារឰធ្វើជាធម្មតារៀងរាល់ប្រាំ (៥)ឆ្នាំម្តង។ សមាជសាមញ្ញត្រូវដំណើរការក្រោម អធិបតីភាពរបស់គណៈកម្មការសមាជ។

២. កូរ៉ុមសមាជសាមញ្ញ គឺពីរភាគបី (២/៣) នៃចំនួនសមាជិកសមាជ។ កូរ៉ុមនេះ ត្រូវបានកំណត់ ហើយ ប្រកាសដោយ គណៈកម្មការសមាជ យ៉ាងតិចមួយ (១)ថ្ងៃមុនធ្វើសមាជ។

៣. ការកំណត់ពេលវេលា របៀបវារៈការងារ និងការជ្រើសរើសគណៈកម្មការសមាជសាមញ្ញត្រូវសម្រេចដោយគណៈកម្មាធិការកណ្តាល ហើយត្រូវផ្សព្វផ្សាយយ៉ាងតិចសែសិប (៤០)ថ្ងៃមុនពេលសមាជ។ របៀបរបប និងកិច្ចការលំអិតរបស់សមាជ មានចែងក្នុងបទបញ្ញត្តិសម្រេចដោយគណៈកម្មាធិការកណ្តាល ។

មាត្រា១៣ ៖ សមាសភាពគណៈកម្មការសមាជសាមញ្ញមានប្រាំ (៥)រូប។ ប្រធាន និងអនុប្រធានគណៈកម្មការនេះគឺ ជាសមាជិកគណៈកម្មាធិការ កណ្តាល ដែលត្រូវជ្រើសតាំងដោយគណៈកម្មាធិការអចិន្ត្រៃយ៍៍។ សមាជិកបី (៣) រូបទៀត នឹងត្រូវបានជ្រើសតាំង ក្នុងសម័យប្រជុំពេញអង្គនៃ គណៈកម្មាធិការកណ្តាល។

១. គណៈកម្មការសមាជសាមញ្ញមានអំណាចរំសាយអង្គសមាជមុនចប់កម្មវិធី ដែលបានគ្រោងទុក លុះត្រាតែ មានការសម្រេចបន្ទាន់ របស់ គណៈកម្មាធិការអចិន្ត្រៃយ៍។

២. គណៈកម្មការសមាជសាមញ្ញ ត្រូវរំសាយ ដោយស្វ័យប្រវត្តិដប់ប្រាំ (១៥)ថ្ងៃក្រោយពេលសមាជ។

មាត្រា១៤ ៖ សមាជិកពេញសិទ្ធិនៃសមាជសាមញ្ញ គឺ ៖

១. សមាជិកគណៈកម្មាធិការកណ្តាល។

២. តំណាងការិយាល័យរាជធានី-ខេត្ត-ក្រុង ស្រុក-ខណ្ឌ ឃុំ-សង្កាត់ តំណាងសាខា និងទីប្រឹក្សាប្រធាន គណបក្ស។

មាត្រា១៥ ៖ សមាជសាមញ្ញ មានភារកិច្ច ៖

១. អនុម័តរបាយការណ៍របស់គណៈកម្មាធិការកណ្តាល របាយការណ៍របសក្រុ់មប្រឹក្សាវិន័យ និងការបញ្ចប់អាណត្តិ គណៈកម្មាធិការកណ្តាល អាណត្តិក្រុមប្រឹក្សាវិន័យ អាណត្តិប្រធានគណបក្ស។

២. កំណត់យុទ្ធសាស្ត្រ និងគោលនយោបាយគណបក្ស។

៣. ជ្រើសតាំងសមាជិកគណៈកម្មាធិការកណ្តាល និងជ្រើសតាំងប្រធានគណបក្ស។

៤. ធ្វើវិសោធនកម្មលក្ខន្តិកៈ និងរំលាយគណបក្ស។

មាត្រា១៦ ៖ ភ្ញៀវចូលរួមសមាជ ត្រូវកំណត់ដោយគណៈកម្មការសមាជ។

មាត្រា១៧ ៖ សមាជវិសាមញ្ញអាចប្រារឰធ្វើតាមមតិស្នើសុំពីរភាគបី (២/៣) របស់គណៈកម្មាធិការកណ្តាល។ កិច្ចការទាំងអស់របស់សមាជវិសាមញ្ញ ត្រូវសម្រេចដោយគណៈកម្មាធិការអចិន្ត្រៃយ៍៍។

គណៈកម្មាធិការកណ្តាល

មាត្រា១៨ ៖ គណៈកម្មាធិការកណ្តាល គឺជាស្ថាប័នដឹកនាំ និងត្រួតពិនិត្យរាល់ការងារគណបក្ស ដែលត្រូវបានជ្រើសតាំងសម្រាប់អាណត្តិក្នុង ចន្លោះ ពីសមាជសាមញ្ញមួយ រហូតដល់សមាជសាមញ្ញមួយទៀត។ ដំណើរការ ការងាររបស់ គណៈកម្មាធិការកណ្តាលប្រព្រឹត្តិទៅតាមបទបញ្ជាផ្ទៃក្នុងរ បស់ខ្លួន។

មាត្រា១៩ ៖ គណៈកម្មាធិការកណ្តាលមានភារកិច្ច ៖

១. ជ្រើសតាំង ដកហូតតួនាទីជាសមាជិកគណៈកម្មាធិការអចិន្ត្រៃយ៍ សមាជិកគណៈកម្មាធិការកណ្តាល ប្រធាន-អនុប្រធានក្រុមប្រឹក្សាវិន័យ អនុប្រធានគណបក្ស អគ្គលេខាធិការ អគ្គលេខាធិការរងម្នាក់។

២. អនុវត្ត និងត្រួតពិនិត្យរាល់ការងាររបស់គណបក្ស រាប់តាំងពីការងារដែលសមាជបានអនុម័ត ឬដែលមានចែង ក្នុងលក្ខន្តិកៈ ឬបទបញ្ជា ផ្ទៃក្នុង ឬសេចក្តីសម្រេចផ្សេងៗ។

៣. សម្រេច ឬកែប្រែបទបញ្ជាផ្ទៃក្នុង រចនាសម្ព័ន្ធ សេចក្តីសម្រេចផ្សេងៗ។

៤. ពន្យាររយៈកាលកំណត់ធ្វើសមាជ លើកពេលកំណត់ធ្វើសមាជ និងលុបចោលគំរោងធ្វើសមាជ។

៥. ពិនិត្យ សម្រេចកិច្ចការដែលជាសំនើរបស់គណៈកម្មាធិការអចិន្ត្រៃយ៍។

៦. គ្មានសិទ្ធិសម្រេចរំលាយខ្លួនឯង ក្រៅអង្គសមាជ។

៧. កូរ៉ុមដើម្បីដំណើរការរាល់សម័យប្រជុំពេញអង្គគឺចំនួនពីរភាគបី នៃសមាជិកគណៈកម្មាធិការកណ្តាល។

៨. រាល់ការសម្រេចរបស់គណៈកម្មាធិការកណ្តាល ត្រូវមានការគាំទ្រដោយសំឡេងហាសិបភាគរយបូកមួយនៃអ្នកចូលរួម។

មាត្រា២០ ៖ គណៈកម្មាធិការកណ្តាលកោះប្រជុំពេញអង្គក្រោមអធិបតីភាពប្រធានគណបក្ស មិនលើសពីដប់ប្រាំ (១៥) ថ្ងៃក្រោយសមាជ ដើម្បី កំណត់ចំនួន និងជ្រើសរើស អគ្គលេខាធិការរងម្នាក់ សមាជិកគណៈកម្មាធិការអចិន្ត្រៃយ៍ ប្រធាន-អនុប្រធានក្រុមប្រឹក្សាវិន័យ។

មាត្រា២១ ៖ គណៈកម្មាធិការកណ្តាល កោះប្រជុំពេញអង្គក្រោមអធិបតីភាព របស់ប្រធានគណៈកម្មាធិការអចិន្ត្រៃយ៍។

គណៈកម្មាធិការអចិន្ត្រៃយ៍

មាត្រា២២ ៖ គណៈកម្មាធិការអចិន្ត្រៃយ៍ជា៍អង្គភាពប្រចាំការរបស់គណៈកម្មាធិការកណ្តាល ដែលដឹកនាំ ត្រួតពិនិត្យ និង ចាត់ចែងរាល់កិច្ចការ ប្រចាំថ្ងៃរបស់គណបក្ស ឬលើកសំណើជូនគណៈកម្មាធិការកណ្តាលសម្រេច។ ដំណើរការការងាររបស់ គណៈកម្មាធិការអចិន្ត្រៃយ៍ ប្រព្រឹត្តទៅ តាម បទបញ្ជា ផ្ទៃក្នុងរបស់ខ្លួន។

មាត្រា២៣ ៖ គណៈកម្មាធិការអចិន្ត្រៃយ៍៍ មានសមាជិកយ៉ាងតិចប្រាំបួន(៩)រូបគឺ ប្រធានគណបក្ស អនុប្រធានគណបក្ស ពីរ(២)រូប អគ្គលេខាធិការ អគ្គលេខាធិការរងម្នាក់ (១) និងត្រូវជ្រើសតាំងបន្ថែមបួនរូប (៤) ឬច្រើនរូបទៀត ចេញពីសមាជិកគណៈកម្មាធិការកណ្តាល។ អគ្គលេខាធិការរងម្នាក់ និងសមាជិកគណៈកម្មាធិការអចិន្ត្រៃយ៍បន្ថែម ត្រូវជ្រើសតាំងដោយ គណៈកម្មាធិការ កណ្តាល ដែលបេក្ខភាព អ្នកទាំង នោះ ត្រូវ បាន ស្នើឡើង ដោយប្រធានគណបក្ស ក្រោយ ពីការពិគ្រោះជាមួយអនុប្រធានគណបក្សទាំងពីរ និងអគ្គលេខាធិការ។

មាត្រា២៤ ៖ សមាជិកគណៈកម្មាធិការអចិន្ត្រៃយ៍៍ ត្រូវផ្លាស់វេនគ្នាបីខែម្តង ទទួលភារកិច្ចជាប្រធានគណៈកម្មាធិការនេះ។

មាត្រា២៥ ៖ គណៈកម្មាធិការអចិន្ត្រៃយ៍មា៍នភារកិច្ច ៖

១. ស្នើបេក្ខជនគណៈកម្មាធិការកណ្តាលដាក់ជូនអង្គសមាជអនុម័ត។

២. សម្រេចបង្កើត ទទួលស្គាល់ ឬលុបចោលការិយាល័យរាជធានី ខេត្ត-ក្រុង ស្រុក-ខណ្ឌ ឃុំ-សង្កាត់ និងគណៈកម្មការជំនាញ។

៣. បំពេញការងារតាមការសម្រេចរបស់គណៈកម្មាធិការកណ្តាល ពិនិត្យកិច្ចការប្រចាំថ្ងៃរបស់អគ្គលេខាធិការ ក្រុមសវនកម្ម ការិយាល័យរាជធានី ខេត្ត-ក្រុង ស្រុក-ខណ្ឌ ឃុំ-សង្កាត់ និងគណៈកម្មការជំនាញ។

៤. រៀបយុទ្ធសាស្ត្រ និងគំរោងការងារ ដាក់ជូនគណៈកម្មាធិការកណ្តាល។

៥. កំណត់ជំហរគណបក្ស និងសម្រេចកិច្ចការទូទៅ ដែលមនាលក្ខណៈចាំបាច់ បន្ទាន់ ឬបញ្ហាជាករណីមិនប្រក្រតី។

៦. ធ្វើសេចក្តីព្រាងខ្លឹមសារវិសោធនកម្មលក្ខន្តិកៈ សំណើកែប្រែឈ្មោះគណបក្ស សំណើរំលាយគណបក្ស និង សំណើកែប្រែរចនាសម្ព័ន្ធ្ធ។

៧. រាល់កិច្ចការ ដូចមានចែងក្នុងចំណុចប្រាំមួយ (៦) ខាងលើ ត្រូវដាក់ជូនគណៈកម្មាធិការកណ្តាលពិនិត្យ សម្រេច។

៨. សម្រេចការផ្លាស់ទីតាំងស្នាក់ការកណ្តាលគណបក្ស។

៩. ស្នើគណៈកម្មាធិការកណ្តាលឱ្យជ្រើសបន្ថែមសមាជិកគណៈកម្មាធិការកណ្តាល ជ្រើសតាំង និងរំសាយក្រុម សវនកម្ម និងជ្រើសតាំងសមាជិក ក្រុមប្រឹក្សាវិន័យ។។

១០. ត្រួតពិនិត្យបព្ជាសីរាពើភណ្ឌ និងគ្រប់គ្រង ចាត់ចែងលើរាល់ធនធានរបស់គណបក្ស។

១១. សម្រេចលើរាល់ករណីសាខាគណបក្ស។

១២. សមាជិកនមីយួៗនៃគណៈកម្មាធិការអចិន្ត្រៃយ៍៍ ត្រូវឆ្លើយពន្យល់ រាល់សំណួររបស់សមាជិក គណៈកម្មាធិការ កណ្តាល ឬក្រុមសម្ព័ន្ធយុវជន ដែលបានផ្ញើមកតាមរយៈលេខាធិការដ្ឋាន។

១៣. ជាស្ថាប័នជម្រះក្តីឧទ្ធរណ៍តែមួយគត់ បន្ទាប់ពីក្រុមប្រឹក្សាវិន័យ។

ក្រុមប្រឹក្សាមូលដ្ឋាន

មាត្រា២៦ ៖ ក្រុមប្រឹក្សាមូលដ្ឋាន គឺជាសេនាធិការរបស់គណបក្ស ដែលធ្វើការងារ ក្នុងភូមិសាស្ត្រទឹកដីរបស់ប្រទេស និងក្នុងស្រទាប់ប្រជាពលរដ្ឋ។ ក្រុមប្រឹក្សាមូលដ្ឋាន គឺ ៖

១. ការិយាល័យរាជធានី ខេត្ត-ក្រុង ស្រុក-ខណ្ឌ ឃុំ-សង្កាត់។

២. អង្គការមហាជន ដែលស្ម័គ្រគាំទ្រគណបក្ស។

មាត្រា២៧ ៖ ការិយាល័យរាជធានី ខេត្ត-ក្រុង ស្រុក-ខណ្ឌ ឃុំ-សង្កាត់ មានបី (៣) លំដាប់ថ្នាក់រដ្ឋបាលគឺ ៖

១. ការិយាល័យរាជធានីខេត្ត-ក្រុង។

២. ការិយាល័យស្រុក-ខណ្ឌ។

៣. ការិយាល័យឃុំ-សង្កាត់។

មាត្រា២៨ ៖ ការិយាល័យរាជធានី ខេត្ត-ក្រុង ស្រុក-ខណ្ឌ ឃុំ-សង្កាត់ មានទម្រង់ដូចខាងក្រោមនេះ ៖

១. រាល់ការិយាល័យរាជធានី ខេត្ត-ក្រុង ស្រុក-ខណ្ឌ ឃុំ-សង្កាត់ ត្រូវបានដឹកនាំ និងចាត់ចែងការងារដោយ លេខាធិការមួយរូប (១) និងលេខាធិការ រងមួយរូប (១) ឬច្រើនរូប អមដោយបុគ្គលិកមួយចំនួន ដើម្បីជួយ ការងារការិយាល័យ។

២. ចំនួនសមាជិក និងចំនួនលេខាធិការរងការិយាល័យរាជធានី ខេត្ត-ក្រុង មានអាណត្តិប្រាំ (៥)ឆ្នាំ ត្រូវកំណត់ ដោយគណៈកម្មាធិការអចិន្ត្រៃយ៍៍។

៣. ចំនួនសមាជិក និងចំនួនលេខាធិការរងការិយាល័យស្រុក-ខណ្ឌ ឃុំ-សង្កាត់ មានអាណត្តិប្រាំ (៥) ឆ្នាំត្រូវកំណត់ដោយការិយាល័យរាជធានីខេត្ត-ក្រុង។

៤. ភារកិច្ចការិយាល័យនៃក្រុមប្រឹក្សាមូលដ្ឋាន ត្រូវកំណត់ដោយគណៈកម្មាធិការអចិន្ត្រៃយ៍។

ក្រុមប្រឹក្សាវិន័យ

មាត្រា២៩ ៖ ក្រុមប្រឹក្សាវិន័យ គឺជាស្ថាប័នតុលាការរបស់គណបក្ស មានសមាសភាពប្រាំ (៥)រូប មានអាណត្តិដំណាល គ្នានឹងអាណត្តិគណៈកម្មាធិការកណ្តាល។

មាត្រា៣០ ៖ ក្រុមប្រឹក្សាវិន័យមានភារកិច្ចទទួល និងចាត់ការលើពាក្យបណ្តឹង ធ្វើការចោទប្រកាន់ និងជម្រះក្តី។ រាល់សាលក្រមចេញពី ក្រុម ប្រឹក្សា វិន័យជាសាលក្រមបិទផ្លូវឧទ្ធរណ៍ លើកលែងតែសាលក្រម ដែលសម្រេចដកហូត សមាជិកភាព ដកហូតមុខតំណែង តួនាទី ត្រូវដាក់ជូន គណៈកម្មាធិការអចិន្ត្រៃយ៍ពិ៍និត្យសម្រេច។

ជំពូក ៦

សាខាគណបក្ស

មាត្រា៣១ ៖ សាខា គណបក្ស សម្ព័ន្ធដើម្បីប្រជាធិបតេយ្យ គឺជាអង្គភាពនយេបាយា តំណាងគណបក្ស តាំងនៅបរទេស ហើយគោរពតាមស្មារតីនៃលក្ខន្តិកៈនេះ។ សាខាគណបក្សមានលក្ខណៈ និងដំណើរការការងារតាមស្ថានភាពជាក់ស្តែងនៅបរទេស។

ជំពូក ៧

ប្រធាន អនុប្រធាន អគ្គលេខាធិការ ក្រុមសវនកម្ម

ប្រធាន អនុប្រធាន

មាត្រា៣២ ៖ គណបក្សសម្ព័ន្ធ ដើម្បីប្រជាធិបតេយ្យ ត្រូវបានដឹកនាំដោយប្រធានមួយរូប អមដោយអនុប្រធាន ពីររូប ដែលជាតំណាងកំពូលរបស់គណបក្ស។ បេក្ខជនឈរឈ្មោះជាប្រធានគណបក្ស ត្រូវមានការគាំទ្រជាមុន ពីសមាជិកគណៈកម្មាធិការអចិន្ត្រៃយ៍ យ៉ាងតិចប្រាំ (៥) រូប ឬមានការគាំទ្រជាមុន ពីសមាជិកគណៈកម្មាធិការកណ្តាលចំនួនហាសិបភាគរយ បូកមួយ (៥០% +១)។

១. អនុប្រធានពីររូប ត្រូវបានជ្រើសតាំងដោយគណៈកម្មាធិការកណ្តាល បន្ទាប់ពីការ ជ្រើសតាំងប្រធានគណបក្ស រួចហើយភ្លាម។ ប្រធានគណបក្ស ជាអ្នកស្នើបេក្ខភាពអនុប្រធាន។

២. ភារកិច្ចដឹកនាំ របស់ប្រធាន-អនុប្រធានគណបក្ស មានចែងនៅក្នុង បទបញ្ជាសម្រេចដោយគណៈកម្មាធិករាកណ្តាល។ ប្រធានគណបក្សបែងែចកភារកិច្ច ជូនអនុប្រធានគណបក្ស ដោយមានការយល់ព្រមពីគណៈកម្មាធិការអចិន្ត្រៃយ៍៍។ អនុប្រធានម្នាក់ទទួលខុសត្រូវការងារហិរញ្ញវត្ថុ និងទ្រព្យសម្បត្តិគណបក្ស។

៣. អាណត្តិប្រធាន និងអនុប្រធានគណបក្សមានរយៈពេលពីសមាជសាមញ្ញមួយ ទៅសមាជសាមញ្ញមួយទៀត លើកលែងមានបញ្ហាមិនប្រក្រតី។

៤. គ្មានជនណាម្នាក់ត្រូវបានជ្រើសតាំងជាលើកទីបី ឱ្យធ្វើជាប្រធានគណបក្ស លើកលែងតែបេក្ខភាពជននោះ មានការគាំទ្រជាមុនពី គណៈកម្មាធិការអចិន្ត្រៃយ៍។

មាត្រា៣៣ ៖ ប្រធានស្តីទីគណបក្សអាចត្រូវជ្រើសតាំងដោយគណៈកម្មាធិការកណ្តាលមិនលើសពីដប់ប្រាំ (១៥)ថ្ងៃ ក្រោយមរណភាពប្រធាន គណបក្ស ឬករណីដែលជាសំណើរបស់គណៈកម្មាធិការអចិន្ត្រៃយ៍។ ករណីដូចនេះ អនុប្រធានមួយ (១) រូប ត្រូវបានគណៈកម្មាធិការ កណ្តាល តែង តាំងជាប្រធានស្តីទីគណបក្សនាសម័យប្រជុំពេញអង្គ។

អគ្គលេខាធិការ

មាត្រា៣៤ ៖ អគ្គលេខាធិការ គឺជាតំណាងគណៈកម្មាធិការអចិន្ត្រៃយ៍ បំពេញកិច្ចការ ដែលជាជីវភាពប្រចាំថ្ងៃរបស់ គណបក្ស។

១. អគ្គលេខាធិការ ត្រូវបានជ្រើសតាំងដោយគណៈកម្មាធិការកណ្តាល បន្ទាប់ពីការជ្រើសតាំងប្រធានគណបក្ស រួចហើយភ្លាម។ ប្រធានគណបក្ស ជាអ្នកស្នើបេក្ខភាពអគ្គលេខាធិការ។

២. ភារកិច្ចរបស់អគ្គលេខាធិការត្រូវកំណត់ដោយគណៈកម្មាធិការអចិន្ត្រៃយ៍។

៣. អាណត្តិអគ្គលេខាធិការមានរយៈពេលពីសមាជសាមញ្ញមួយទៅសមាជសាមញ្ញមួយទៀត លើកលែងតែកើត មានករណីមិនប្រក្រតី ដែលត្រូវ យោងតាមសេចក្តីសម្រេចរបស់គណៈកម្មាធិការអចិន្ត្រៃយ៍។

៤. អគ្គលេខាធិការជ្រើសរើសសមាសភាពអគ្គលេខាធិការរង ហើយដាក់ជូនគណៈកម្មាធិកាអចិន្ត្រៃយ៍ សម្រេច។ អគ្គលេខាធិការរងម្នាក់ ជា សមាជិកនៃគណៈកម្មាធិការអចិន្ត្រៃយ៍។ អគ្គលេខាធិការបែងចែកភារកិច្ចជូន អគ្គលេខាធិការរង ដោយមានការយល់ព្រមពីគណៈកម្មាធិការ អចិន្ត្រៃយ៍។

ក្រុមសវនកម្ម

មាត្រា៣៥ ៖ យោងមាត្រា២៥.៩ ក្រុមសវនកម្មមានសមាសភាពបីរូប គឺនាយកសវនកម្មមួយរូប និងសមាជិកពីររូបមាន ការិយាល័យតាំងនៅទីស្នាក់ ការកណ្តាលគណបក្ស។ អង្គភាពសវនកម្ម អាចមានបុគ្គលិក សម្រាប់បម្រើការងារក្នុងការិយាល័យ។

មាត្រា៣៦ ៖ ក្រុមសវនកម្មត្រួតពិនិត្យចំណូល ចំណាយ និងបញ្ជីសារពើភណ្ឌ ជាធម្មតាមួយឆ្នាំម្តង។ ចំណាត់ការត្រួត ពិនិត្យខុសពីធម្មតា អាចធ្វើ បាន តាមករណីដែលជាសំណើរបស់គណៈកម្មាធិការអចិន្ត្រៃយ៍។

មាត្រា៣៧ ៖ របាយការណ៍សវនកម្មអាចផ្សព្វផ្សាយជាសាធារណៈ។

មាត្រា៣៨ ៖ ក្រុមសវនកម្មអាចទទួលពាក្យបណ្តឹង ហើយដាក់ជូនគណៈកម្មាធិការអចិន្ត្រៃយ៍ស៍ម្រេច។

មាត្រា៣៩ ៖ ក្រុមសវនកម្មអាចស្នើគណៈកម្មាធិការអចិន្ត្រៃយ៍ស៍ម្រេចចាត់ការលើរាល់ករណីចំណូល-ចំណាយ។

មាត្រា៤០ ៖ អាណត្តិការងារក្រុមសវនកម្មមានរយៈពេលពីសមាជមួយ ទៅសមាជមួយទៀត លើកលែងមាន ករណីមិន ប្រក្រតី ដោយយោងតាម សេចក្តីសម្រេចរបស់គណៈកម្មាធិការអចិន្ត្រៃយ៍។

ជំពូក ៨

អវសានបញ្ញត្តិ

មាត្រា៤១ ៖ យោងមាត្រា១៥.៤ ក្នុងករណីដែលអង្គសមាជអនុម័តរំលាយគណបក្សជាស្ថាពរហើយនោះ អង្គសមាជ ដដែលនេះ ត្រូវសម្រេចភ្លាម ជម្រះបញ្ជីទ្រព្យសម្បត្តិគណបក្ស។

មាត្រា៤២ ៖ លក្ខន្តិកៈនេះត្រូវបានសមាជលើកទីមួយអនុម័ត និងមានសុពលភាពគតិយុត្តិ ចាប់ពីថ្ងៃចុះហត្ថលេខាដោយ ប្រធានគណបក្ស។

រាជធានីភ្នំពេញ ថ្ងៃទី……….ខែ…………… ឆ្នាំ ២០១១

អត្ថបទប្រហាក់ប្រហែល

ហេតុអ្វីបានជាយើងមិនត្រូវរស់ដូចជាសត្វត្រី?

camldp — Fri, 18 Feb 2011 03:16:18 +0000

ហេតុអ្វីបានជាយើងមិនត្រូវរស់ដូចជាសត្វត្រី?

អត្ថបទប្រហាក់ប្រហែល

២០១០-០៤-០២ វេទិកាសាធារណៈ ក្នុងឃុំព្រៃតូច ស្រុកមោងឬស្សី ខេត្តបាត់ដំបង ភាគ១

camldp — Wed, 23 Feb 2011 15:14:07 +0000

អត្ថបទប្រហាក់ប្រហែល

២០១០-០៤-០២ វេទិកាសាធារណៈ ក្នុងឃុំព្រៃតូច ស្រុកមោងឬស្សី ខេត្តបាត់ដំបង ភាគ២

camldp — Wed, 23 Feb 2011 15:23:47 +0000

អត្ថបទប្រហាក់ប្រហែល

២០១០-០៤-០២ វេទិកាសាធារណៈ ក្នុងឃុំព្រៃតូច ស្រុកមោងឬស្សី ខេត្តបាត់ដំបង ភាគ៣

camldp — Wed, 23 Feb 2011 15:24:24 +0000

អត្ថបទប្រហាក់ប្រហែល

២០១០-០៤-០២ វេទិកាសាធារណៈ ក្នុងឃុំព្រៃតូច ស្រុកមោងឬស្សី ខេត្តបាត់ដំបង ភាគ៤

camldp — Wed, 23 Feb 2011 15:24:59 +0000

អត្ថបទប្រហាក់ប្រហែល

២០១០-០៤-០២ វេទិកាសាធារណៈ ក្នុងឃុំព្រៃតូច ស្រុកមោងឬស្សី ខេត្តបាត់ដំបង ភាគ៥

camldp — Wed, 23 Feb 2011 15:25:46 +0000

អត្ថបទប្រហាក់ប្រហែល

២០១០-០៤-០២ វេទិកាសាធារណៈ ក្នុងឃុំព្រៃតូច ស្រុកមោងឬស្សី ខេត្តបាត់ដំបង ភាគ៦

camldp — Wed, 23 Feb 2011 15:28:32 +0000

អត្ថបទប្រហាក់ប្រហែល

២០១០-០៤-០២ វេទិកាសាធារណៈ ក្នុងឃុំព្រៃតូច ស្រុកមោងឬស្សី ខេត្តបាត់ដំបង ភាគ៧

camldp — Wed, 23 Feb 2011 15:29:40 +0000

អត្ថបទប្រហាក់ប្រហែល

២០១០-០៤-០២ វេទិកាសាធារណៈ ក្នុងឃុំព្រៃតូច ស្រុកមោងឬស្សី ខេត្តបាត់ដំបង ភាគ៨

camldp — Wed, 23 Feb 2011 15:30:42 +0000

គណបក្សសម្ព័ន្ធដើម្បីប្រជាធិបតេយ្យ

លក្ខន្តិកៈ

អត្ថបទប្រហាក់ប្រហែល

ហេតុអ្វីបានជាយើងមិនត្រូវរស់ដូចជាសត្វត្រី?

អត្ថបទប្រហាក់ប្រហែល

២០១០-០៤-០២ វេទិកាសាធារណៈ ក្នុងឃុំព្រៃតូច​ ស្រុកមោងឬស្សី​ ខេត្តបាត់ដំបង​ ភាគ១

អត្ថបទប្រហាក់ប្រហែល

២០១០-០៤-០២ វេទិកាសាធារណៈ ក្នុងឃុំព្រៃតូច​ ស្រុកមោងឬស្សី ខេត្តបាត់ដំប​ង​ ភាគ២

អត្ថបទប្រហាក់ប្រហែល

២០១០-០៤-០២ វេទិកាសាធារណៈ ក្នុងឃុំព្រៃតូច​ ស្រុកមោងឬស្សី ខេត្តបាត់ដំប​ង​ ភាគ៣

អត្ថបទប្រហាក់ប្រហែល

២០១០-០៤-០២ វេទិកាសាធារណៈ ក្នុងឃុំព្រៃតូច​ ស្រុកមោងឬស្សី ខេត្តបាត់ដំប​ង​ ភាគ៤

អត្ថបទប្រហាក់ប្រហែល

២០១០-០៤-០២ វេទិកាសាធារណៈ ក្នុងឃុំព្រៃតូច​ ស្រុកមោងឬស្សី ខេត្តបាត់ដំប​ង​ ភាគ៥

អត្ថបទប្រហាក់ប្រហែល

២០១០-០៤-០២ វេទិកាសាធារណៈ ក្នុងឃុំព្រៃតូច​ ស្រុកមោងឬស្សី ខេត្តបាត់ដំប​ង ភាគ៦

អត្ថបទប្រហាក់ប្រហែល

២០១០-០៤-០២ វេទិកាសាធារណៈ ក្នុងឃុំព្រៃតូច​ ស្រុកមោងឬស្សី ខេត្តបាត់ដំប​ង ភាគ៧

អត្ថបទប្រហាក់ប្រហែល

២០១០-០៤-០២ វេទិកាសាធារណៈ ក្នុងឃុំព្រៃតូច​ ស្រុកមោងឬស្សី ខេត្តបាត់ដំប​ង ភាគ៨

អត្ថបទប្រហាក់ប្រហែល

២០១០-០៤-០២ វេទិកាសាធារណៈ ក្នុងឃុំព្រៃតូច ស្រុកមោងឬស្សី ខេត្តបាត់ដំបង ភាគ១

២០១០-០៤-០២ វេទិកាសាធារណៈ ក្នុងឃុំព្រៃតូច ស្រុកមោងឬស្សី ខេត្តបាត់ដំបង ភាគ២

២០១០-០៤-០២ វេទិកាសាធារណៈ ក្នុងឃុំព្រៃតូច ស្រុកមោងឬស្សី ខេត្តបាត់ដំបង ភាគ៣

២០១០-០៤-០២ វេទិកាសាធារណៈ ក្នុងឃុំព្រៃតូច ស្រុកមោងឬស្សី ខេត្តបាត់ដំបង ភាគ៤

២០១០-០៤-០២ វេទិកាសាធារណៈ ក្នុងឃុំព្រៃតូច ស្រុកមោងឬស្សី ខេត្តបាត់ដំបង ភាគ៥

២០១០-០៤-០២ វេទិកាសាធារណៈ ក្នុងឃុំព្រៃតូច ស្រុកមោងឬស្សី ខេត្តបាត់ដំបង ភាគ៦

២០១០-០៤-០២ វេទិកាសាធារណៈ ក្នុងឃុំព្រៃតូច ស្រុកមោងឬស្សី ខេត្តបាត់ដំបង ភាគ៧

២០១០-០៤-០២ វេទិកាសាធារណៈ ក្នុងឃុំព្រៃតូច ស្រុកមោងឬស្សី ខេត្តបាត់ដំបង ភាគ៨