២៣៤. [២០១១-១២-០៣] នៅទីស្នាក់ការកណ្តាលរាជធានីភ្នំពេញ ភាគ ៣

Discussion in 'ធ្នូ' started by Think Together, Dec 31, 2012.

  1. Think Together Administrator

    Message Count:
    1,099
    Likes Received:
    28
    Trophy Points:
    48
    Gender:
    Male
    វេទិកាជួបជាមួយសមាជិកនិងអ្នកគាំទ្ររបស់គណបក្សសម្ព័ន្ធដើម្បី ប្រជាធិបតេយ្យដែលប្រារព្ធនៅទីស្នាក់ការកណ្តាលរាជធានីភ្នំ ពេញ ផ្ទះលេខ 108B2 ផ្លូវ 315 សង្កាត់បឹងកក់ពីរ ខណ្ឌទួលគោក នាថ្ងៃសៅរិ៍ ទី០៣ ខែធ្នូ ឆ្នាំ២០១១

    ខ្លឹម​សារ​សង្ខេប​នៃ​ប្រសាសន៏​លោក​ វាគ្មិន​ខឹម​វាសនា​
    (ដក​ស្រង់​ពី​វេទិកា​សាធារណៈ​ថ្ងៃ​សៅរ៍​ទី០៣​ ខែធ្នូ​ ឆ្នាំ​២០១១នៅ​ទី​ស្នាក់​ការ​កណ្តាល​រាជ​ធានី​
    ភ្នំ​ពេញ​)​

    ខ្លឹម​សារ​សំខាន់ៗ​ដែល​មាន​នៅ​ក្នុង​វេទិកា​នេះ​រួម​មាន​៖
    • អត្ថ​ន័យ​នៃ​ការ​ផ្លាស់​ប្តូរ​
    • អ្នក​និយាយ​ពិត​ប្រាកដ​និង​អ្នក​ស្តាប់​ពិត​ប្រាកដ​
    • លក្ខណះ​នៃ​ក្រុម​ដែល​រឹង​មាំ​ស្វាហាប់​ខ្លាំង​ពូកែ​
    • ផ្សេងៗ​
    slide.png

    . ​អត្ថ​ន័យ​នៃ​ការ​ផ្លាស់​ប្តូរ​៖
    ការ​ផ្លាស់​ប្តូរ​គឺ​ជា​ការ​ប្តូរ​រស់​ជាតិ​ចាស់​ដើម្បី​ទទួល​បាន​រស់​ជាតិ​ថ្មី​ខុស​ពី​មុន​តែ​វា​មិន​បាន​បញ្ជាក់​ថា​វា​នឹង​ល្អ​ជាង​មុន​ជា​ដរាប​នោះ​ទេ​។ការ​ផ្លាស់​ប្តូរ​ដោយ​មាន​ទស្សន​វិស័យ​ច្បាស់​លាស់​ត្រឹម​ត្រូវ​វា​នាំ​អោយ​បាន​លទ្ធផល​ប្រសើរ​ជាង​មុន​។កត្តា​ធម្ម​ជាតិ​តំរូវ​អោយ​សត្វ​ក្តាម​ក្នុង​មួយ​ជីវិត​របស់​វា​ត្រូវ​សក​ម្តង​ជួន​កាល​សក​ទាំង​នៅ​តូច​ជួន​កាល​វា​ធំ​បន្តិច​ហើយ​ទើប​សកបើ​សួរ​ទៅ​ក្តាម​ច្បាស់​ណាស់​ក្តាម​នឹង​ឆ្លើយ​ថា​វា​ត្រូវ​សក​ដើម្បី​ភាព​ធំធាត់​ប៉ុន្តែ​ក្តាម​ក៏​វា​បង្ហាញ​ពី​ការ​បារម្ភ​របស់​វា​ដែរ​ព្រោះ​ក្នុង​ពេល​ដែល​វាសក​ខ្លួន​វា​ទន់​គ្មាន​សំបក​ការពារ​កំលាំង​ខ្សោយ​ទៅ​ណា​មិន​បាន​ទាំង​ត្រី​ពស់​រួម​ទាំង​ក្តាម​គ្នា​វា​ក៏​អាច​ស៊ី​វាជា​អាហារ​បាន​នេះ​មិន​ទាន់​និយាយ​ដល់​គ្រោះ​ថ្នាក់​ផ្សេងៗ​ដែល​នឹងកើត​ជា​យថា​ហេតុ​អំទ្បុង​ពេល​វា​គ្មាន​អ្វី​ការពារ​ខ្លួន​ដូច្នេះ​ហើយ​មុន​ពេល​សក​សំបក​ចាស់​ចោល​ក្តាម​វា​ត្រូវ​រក​កន្លែង​លាក់​ខ្លួន​របស់​វា​បើ​មិន​ដូច្នេះ​ទេ​វា​ជា​ការ​ប្រថុយ​លើស​ពីពាក់​កណ្តាល​ស្លាប់​ពាក់​កណ្តាល​រស់​ទៅ​ទៀត​
    ងាក​មក​មនុស្ស​យើង​វិញ​តាម​រយះ​បទ​ពិសោធន៏​របស់​ដូន​តា​យើង​ការ​ផ្លាស់​ប្តូរ​របប​ពី​មួយ​ជំនាន់​ទៅ​មួយ​ជំនាន់​មិន​ទាន់​មាន​ឃើញ​ថា​មាន​កា​ផ្លាស់ប្តូរ​ណា​មួយ​ដែល​ក្រោយ​ពីការ​ផ្លាស់ប្តូរ​នោះ​ប្រទេស​ជាតិ​បាន​រីក​ចំរើន​រុង​រឿង​ជា​
    មុន​នៅ​ទ្បើយ​ទេ​។បទ​ពិសោធន៏​ជូរ​ចត់​មួយ​គឺ​ការ​ប្តូរ​ពី​របប​សង្គម​រាស្ត្រ​និយម​មក​របប​សាធារណរដ្ឋ​កាល​សម័យ​​នោះ​មាន​អ្នក​ចេះ​ដឹង​និង​អ្នក​ស្នេហា​ជាតិ​ជា​ច្រើន​បាន​រួម​កំលាំង​គ្នា​ប្តូរ​បុគ្គល​ដែល​គេ​យល់​ថា​អសមត្ថ​ភាព​ក្នុង​ការ​ដឹកនាំ​ប្រទេស​ចេញ​បាន​សម្រេច​តែ​សួរ​ថា​តើ​វត្ថុ​បំណង​នៃ​ការ​ផ្លាស់​ប្តូរ​របស់​ពួក​គាត់​បាន​សម្រេច​ឬ​ទេ​? ​វា​រិតតែ​ជា​ពិសោធន៏​ដែល​មិន​អាច​ប្រកែក​បាន​គឺ​បទ​ពិសោធន៏​នៃ​ការ​ផ្លាស់ប្តូរ​ពី​របប​សាធារណរដ្ឋ​ទៅ​របប​ខ្មែរ​ក្រហម​។សួរ​ថា​នេះ​មិន​មែន​ជា​ការ​រួម​កំលាំង​គ្នា​ផ្លាស់​ប្តូរ​មុខ​មាត់​សង្គម​ទេ​ឬ?​ ដូច្នេះ​មុន​និង​ចូល​រួម​គ្នា​ដើម្បី​ផ្លាស់​ប្តូរ​របប​សង្គម​មួយ​យើង​ត្រូវ​ពិចារណា​ជាមុន​លើ​បញ្ហា​នានា​គឺ​៖
    • ​សិក្សា​ថា​តើ​អ្វី​ជា​បញ្ហា​ដែល​កំពុង​កើត​មាន​ទើប​ឈាន​ទៅ​រក​ការ​កំនត់​ពី​មូល​ហេតុ​នៃ​បញ្ហា​។
    • តើ​ចង់​ធ្វើ​ការ​ផ្លាស់​ប្តូរ​ពី​ទី​ណា​ទៅ​ទីណា​?​(កំនត់​គោល​ដៅ​រួម​)​
    • តើ​មាន​បញ្ហា​អ្វី​ខ្លះ​ដែល​នឹង​កើត​មុន​កំពុង​និង​ក្រោយ​ការ​ផ្លាស់​ប្តូរ​?
    • តើ​ត្រូវ​ចាប់​ផ្តើម​ចេញ​ដំណើរ​ពី​ចំនុច​ណា​ទៅ?​
    • តើ​ត្រូវ​កំណត់​យក​ឥរិយា​បថ​បែប​ណា​ក្នុង​ដំណើ​នៃ​ការ​ទៅ​ផ្លាស់​ប្តូរ​?(វា​ជា​សិល្បះ​នៃ​ការ​ដោះ​ស្រាយ​បញ្ហា​ដែល​នឹង​ត្រូវ​ប្រឈម​ផង​ដែរ​)​។
    • តើ​នរណា​(ជា​មនុស្ស​ដែល​មាន​លក្ខណះ​សម្បត្តិ​បែប​ណា​) ដែល​ជា​អ្នក​ទៅ​ធ្វើ​កិច្ចការ​នេះ​?​
    ចំណុច​ខ្លះៗ​ខាង​លើ​នេះ​ជា​អ្វី​ដែល​យើង​ត្រូវ​ធ្វើ​ការ​សិក្សា​ជា​មុន​បើ​មិន​បាន​ពិចារណា​ជា​មុន​ទេ​នោះ​យើង​ងាយ​នឹង​ធ្លាក់​ចូល​ក្នុង​ស្ថានភាព​មួយ​គឺ​ចូល​រួម​ជា​មួយ​ចលនា​មួយ​នោះ​ដោយ​សារ​តែ​កត្តា​រំជួលចិត្ត​ហើយ​មិន​ទាំង​ដឹង​ខ្លួន​ផង​ថា​​ខ្លួន​ចង់​ប្តូរ​អ្វី? ​ តើ​ចង់​ប្តូរ​មនុស្ស​ឬ​ប្តូរ​ប្រព័ន្ធ​? ​ការ​តស៊ូ​ដោយ​ខ្វះ​ការ​យល់​ដឹង​គ្មាន​ខុស​អ្វី​ពី​មនុស្ស​ល្ងង់​ពាក់​ស្រោម ​អ្នក​​ក្លាហាន​ទ្បើយ​។ យើង​(L.D.P)​ មិន​ដែល​បដិសេធ​ការ​ផ្លាស់ប្តូរ​ទេ​តែ​យើង​បដិសេធន៏​ការ​ផ្លាស់​ប្តូរ​ត្រឹម ​មនុស្ស​ដោយ​​មិន​ធ្វើ​ការ​ផ្លាស់​ប្តូរ​ដល់​ប្រព័ន្ធ​។អាស្រ័យ​ហេតុ​នេះ​ហើយ​ទើប​យើង​តែង​តែ​និយាយ​ទៅ​កាន់​ពល​រដ្ឋ​ថា​សូម​អ្នក​​កុំ​ពឹង​លើ​ឆន្ទះ​របស់​អ្នក​ដឹកនាំ​តែ​សូម​អ្នក​ពឹង​លើ​វិធាន​ការ​ដែល​យើង​ត្រូវ​រួមគ្នា​រៀប​ចំ​” ​គឺ​យើង​កំពង់​តែ​ហៅ​បង​ប្អូន​មក​ជួយ​រៀប​ចំ​ប្រព័ន្ធ​មួយ​ដើម្បី​កាត់​បន្ថយ​អំណាច​រដ្ឋ​ដើម្បី​ឲ្យ​ពលរដ្ឋ​ដែល​ជា​ម្ចាស់​ប្រទេស​គ្រប់​រូប​មាន​សិទ្ធិ​​ស្មើៗ​គ្នា​។ដើម្បី​សម្រេច​គោល​ដៅ​រួម​របស់​យើង​ត្រូវ​ច្បាស់​ពី​ចំនុច​ចាប់​ផ្តើម​របស់​យើង​គឺ​យើង​ចេញ​ដំណើ​ពី​ការ​​ពន្យល់​ឲ្យ​ពល​រដ្ឋ​យល់​ពី​ប្រជា​ធិបតេយ្យ​ការ​ទាញ​យក​ប្រយោជន៏​ពី​កិច្ច​បដិបត្តិ​ព្រះធម៌​និង​សីល​ធម៌​សង្គម​ព្រោះ​យើង​មិន​ត្រូវ​ការ​ត្រឹម​តែ​ធ្វើ​ប្រជា​ធិប​តេយ្យ​ដើម្បី​តែ​ប្រជា​ធិប​តេយ្យ​នោះ​ទ្បើយ​គឺ​យើង​ត្រូវ​ការ​អោយ​ពលរដ្ឋ​គ្រប់​រូប​យល់​ពី​អត្ថន័យ​ប្រជា​ធិបតេយ្យ​។ បើ​គេ​យល់​នោះ​គេ​និង​ចូល​រួម​គ្នា​ធ្វើ​សកម្ម​ភាព​ឯការ​យល់​ដឹង​ពី​ព្រះធម៌​និង​ជួយ​ឲ្យ​យើង​ដឹង​ថា​ត្រូវ​បដិ​បត្តិ​ជីវិត​ទៅ​តាម​ផ្លូវ​ណា?​ គេ​ដឹង​ដឹង​ថា​គេ​រស់​ដើម្បី​អ្វី?​ មិន​មែន​រស់​ព្រោះ​តែ​មិនទាន់​ស្លាប់​នោះ​ទេ​តែ​គេ​នឹង​រក​ឃើញ​ឧត្តម​គតិ​ដើម្បី​រស់​របស់​គេ​។ឯការ​ពន្យល់​ពី​សីលធម៌​និង​ជួយ​អោយ​អ្នក​ចូល​រួម​គ្រប់​រូប​មិន​បំពារ​បំពាន​គ្នា​មិន​និយាយ​ពាក្យ​សីលធម៌​តែ​លើ​បបូរ​មាត់​។
    ដើម្បី​ឈាន​អោយ​ដល់​គោល​ដៅ​របស់​យើង​ក្រុម​យើង​ក៏​ត្រូវ​មាន​ឥរិយាបថ​នយោបាយ​មួយ​ដែល​ត្រូវ​ប្រកាន់​យក​។ឥរិយាបថ​នយោបាយ​របស់​យើង​មាន​សុច្ចរិត​ជា​បាត​គ្រឺះ​ការ​មិន​បំផ្លើស​បំផ្លោង​អួត​ធ្វើ​ប្រជា​ពិថុត​ការ​មិន​ទៅ​ដុត​ឯលិច​បញ្ឆេះ​ឯកើត​នេះ​ជា​ឥរិយាបថ​របស់​ក្រុម​យើង​ហើយ​វា​ក៏​ជា​ឧត្តម​គតិ​របស់​ក្រុម​យើង​ដែរ ​គឺ​ការ​តាំង​ស៊ុប​មិន​ទំលាក់​ងាក​ចេញ​ពី​សុច្ច​រិត​ភាព​។
    នៅ​មាន​ចំនុច​មួយ​ទៀត​ដែល​ក្រុម​យើង​កំពុង​បណ្តុះ​នោះ​គឺការ​កសាង​ធនធាន​មនុស្ស​ដែល​គាំ​ពារ​សកម្មភាព​យើង​ឲ្យ​ឈាន​ដល់​គោល​ដៅ​។ធន​ធាន​មនុស្ស​របស់​យើង​ត្រូវ​មាន​គុណ​សម្បត្តិ​ធំ​ពីរ​នោះ​គឺ​គុណ​សម្បត្តិ​បេះ​ដូង​ដែល​ស្អាត​សុច្ចរិត​និង​គុណ​សម្បត្តិ​ខួរ​ក្បាល​ដែល​មាន​ទស្សន​វិស័យ​ភ្លឺ​ថ្លា​មុត​ស្រួច​។​
    ជា​សរុប​មក​វិញ​ក្រុម ​យើង​មិន​បាន​ធ្វើ​សកម្មភាព​ប្រឆាំង​នឹង​បុគ្គល​ណា​ម្នាក់​ទ្បើយ​តែ​គឺ​ ប្រព័ន្ធ​ទេ​ដែល​យើង​រួម​គ្នា​ដើម្បី​ធ្វើ​ការ​ផ្លាស់​ប្តូរ​។

    . អ្នក​និយាយ​ពិត​ប្រាកដ​និង​អ្នក​ស្តាប់​ពិត​ប្រាកដ​
    ជា​អ្នក​និយាយ​ពិត​ប្រាកដ​ម្នាក់​បាន​អ្នក ​និយាយ​នោះ​ត្រូវ​ម្ចាស់​ការ​លើ​ពាក្យ​ដែល​ខ្លួន​និយាយ​ដែល​ខ្លួន​បាន​តំរៀប ​ចូល​ក្នុង​ឃ្លា​គឺ​គេ​ត្រូវ​តាម​ទាន់​អ្វី​ដែល​គេ​បាន​និយាយ​គឺ​វា​បញ្ជាក់​បាន​ពី​ការ​យល់​ដឹង​របស់​គេ​។ដើម្បី​ធ្វើ​ជា​អ្នក​និយាយ​ពិត​ប្រាកដ​ម្នាក់​បាន​អ្នក​និយាយ​នោះ​ត្រូវ​តែ​ជា​មនុស្ស​ដែល​មាន​ទស្សន​ហើយ​និយាយ​ចេញ​ពី​បេះដូង​ហើយ​បេះ​ដូង​នោះ​ជា​បេះដូង​ស្អាត​និយាយ​ភ្ជាប់​មក​ជាមួយ​ហេតុផល​មិន​លួច​គំនិត​គេ​ព្រោះ​ពេល​ដែល​លួច​គំនិត​គេ​អ្នក​លួច​មិន​យល់​ពី​គំនិត​របស់​ម្ចាស់​គំនិត​ទ្បើយ​ហើយ​វា​ថែម​ទាំង​ជា​អំពើ​ទុច្ចរិត​ទៅ​ទៀត​។ការ​និយាយ​របស់​អ្នក​និយាយ​ពិត​ប្រាកដ​មិន​មែន​និយាយ​ដោយ​ការ​ច្រណែន​មិន​បំពាន​គេ​ពិសេស​បំផុត​គេ​ត្រូវ​ចេះ​លើក​ឧទាហរណ៏​ខ្លីៗ​ដែល​អាច​ឲ្យ​អ្នក​ស្តាប់​ងាយ​យល់​និង​អាច​យក​ធ្វើ​ជា​ការ​ពិចារណា​បាន​គឺ​គេ​និយាយ​ពិរោះ​ទាំង​អត្ថន័យ​ពិរោះ​ទាំង​ព្យញ្ជនះ​។ជាទូទៅ​ពេល​ដែល​យើង​និយាយ​ប្រតិកម្ម​ឆ្លើយ​តប​តាម​រយះ​ផ្លូវ​ចិត្ត​វាចារ​ឆ្លើយ​តប​បាន​លឿន​ជាង​ប្រតិកម្ម​តាម​ខួរ​ក្បាល​។បើ​អ្នក​និយាយ​ជា​មនុស្ស​ដែល​តែង​យក​ខួរ​ក្បាល​ទៅ​ឆ្លុះ​ពិនិត្យ​ផ្លូវ​ចិត្ត​របស់​គេ​ជា​រើយៗ​នោះ​ការ​ឆ្លើយ​តប​ដោយ​ប្រើ​ប្រតិកម្ម​ផ្លូវ​ចិត្ត​របស់​គេ​តែង​តែ​ត្រឹម​ត្រូវ​នឹង​អាច​ទទួល​យក​បាន​។អ្នក​និយាយ​ពន្យល់​គេ​ត្រូវ​ច្បាស់​ពី​រឿង​ដែល​ខ្លួន​និយាយ​និង​ចេះ​ដេញ​តៗ​រក​ហេតុ​ផល​ដោយ​ពន្យល់​ឲ្យ​គេ​យល់​ថា​ហេតុ​នេះ​នាំ​ឲ្យ​កើត​ផលនោះ​ផល​នោះ​ក្លាយ​ជា​ហេតុ​នាំ​ឲ្យ​កើត​ផល​នោះ​មួយ​ទៀត​​​​​​​​​​​​​ហើ​​​​​​​​​​​​​​​​​​យផល​មួយ​ទៀត​នោះ​វា​ក្លាយ​ជា​ហេតុ​តទៅ​ទៀត​។បើ​អ្នក​ពន្យល់​ច្បាស់​គ្រប់​ចង្វាក់​នោះ​ទៅ​ចង្វាក់​នៃ​ហេតុ​និង​ផល​នេះ​មិន​ដាច់​ពី​គ្នា​ហើយ​មិន​វង្វេង​ក្នុង​ហេតុផល​របស់​ខ្លួន​គឺ​ជា​លទ្ធផល​គេ​អាច​ទាញ​អ្នក​ស្តាប់​ឲ្យ​ចូល​មក​ក្នុង​គន្លង​ដែល​គេ​មាន​ចេត​នា​ឲ្យ​អ្នក​ស្តាប់​យល់​តែ​សូម​ញែក​អោយ​ដាច់​ពី​ការ​ល្បួង​លួងលោម​ឲ្យ​អ្នក​ស្តាប់​ចាញ់​បញ្ឆោត​របស់​ខ្លួន​។អ្នក​និយាយ​ខ្លះ​គាត់​អាច​ធ្លាក់​ចូល​ក្នុង​គន្លង​មួយ​គឺ​គាត់​បាន​អេស​ចំ​កន្លែង​រមាស់​របស់​អ្នក​ស្តាប់​ហើយ​តែ​ក្រោយ​ពី​អេស​បែប​រមាស់​រួច​គាត់​អត់​មាន​ថ្នាំ​ឬ​អាច​ថា​គាត់​អត់​ស្គាល់​ថ្នាំ​បំបាត់​រមាស់​នោះ​ដែរ​ដូច្នេះ​បន្ទាប់​ពី​ស្គាល់​រួច​(អេស​ហៀរ​ទឹក​មាត់​រួច​)​ អ្នក​ស្តាប់​នៅ​រមាស់​ដដែល​អ្នក​និយាយ​បែប​នោះ​ជា​អ្នក​និយាយ​បាន​តែ​និយាយ​។​
    ក្នុង​ពេល​ដែល​មាន​អ្នក​និយាយ​អ្នក​ពន្យល់​ពិត​ប្រាកដ​ហើយ​យើង​ក៏​ត្រូវ​ការ​ឲ្យ​មាន​អ្នក​ស្តាប់​ពិត​ប្រាកដ​ដែរ​ដើម្បី​អោយ​ការ​ផ្តល់​នោះ​មាន​អ្នក​ទទួល​។អ្នក​ស្តាប់​ត្រូវ​ចេះ​សួរ​ដេញ​រក​ហេតុ​ផល​ពី​អ្នក​ពន្យល់​មិន​មែន​ស្តាប់​ចូល​​ត្រចៀក​ឆ្វេង​ចេញ​ត្រចៀក​ស្តាំ​នោះ​ទេ​ឬ​ក៏​ស្តាប់​ឮ​ប៉ុន្មាន​ចូល​ទាំង​អស់​នោះ​ក៏​ទេ​ដែរ​ហើយ​ក៏​មិន​មែន​ស្តាប់​ចាំ​តែ​​រក​កន្លែង​មួល​ឬ​ចាំ​តែ​ស្តាប់​ចុងៗ​ពាក្យ​របស់​អ្នក​ពន្យល់​ដើម្បីផ្ចាញ់​ផ្ចាល​ទ្បើយបើ​រក​ឃើញ​ថា​អ្នក​ពន្យល់​ខុស​ក៏​ត្រូវ​ពន្យល់​ត្រទ្បប់​ទៅ​គេ​វិញ​។
    ការ​បើក​ខ្លួន​ឯង​ទទួល​យក​គ្រប់​ពត៌​មាន​ដើម្បី​ទុក​ជា​ការ​វិភាគ​ជា​លក្ខណះ​មួយ​នៃ​អ្នក​ស្តាប់​ពិត​ប្រាកដ​គឺ​គេ​មិន​មាន​លក្ខណះ​ជា​មនុស្ស​មានះ​មិន​កាត់​ក្តី​គេ​ទុក​ជាមុន​។បើ​អ្នក​និយាយ​និយាយ​នឹង​បេះដូង​វា​អាច​ឆក់​អ្នក​ស្តាប់​ស្តាប់​ដោយ​បេះ​ដូង​ដែរ​។អ្នក​ស្តាប់​ត្រូវ​តាម​គេ​និយាយ​អោយ​ទាន់​ហើយ​ត្រូវ​ចាំ​ថា​មនុស្ស​ខ្លះ​ពូកែ​ណាស់​ខាង​រាយ​រាប់​ថា​អំពើ​អាក្រក់​អ្វី​ក៏​គេ​អត់​ចេះ​ធ្វើ​អត់​ដែល​ធ្វើ​ដែរ​ដល់​ចុង​ក្រោយ​យើង​រក​ឃើញ​បញ្ហា​តែ​មួយ​គត់​របស់​អ្នក​និយាយ​នោះ​គឺ​គេ​ចេះ​ត្រឹម​តែ​កុហក់​មួយ​មុខ​គត់​។ការ​ចេះ​កុហក់​គេ​តែ​មួយ​មុខ​វា​គ្រប់​គ្រាន់​អោយ​មនុស្ស​ម្នាក់​ក្លាយ​ជា​មនុស្ស​អាក្រក់​បាន​ហើយ​។ទាំង​អ្នក​ពន្យល់​និង​អ្នក​ស្តាប់​ត្រូវ​ប្រយ័ត្ន​ចំនុច​មួយ​ទៀត​គឺ​ការ​ជជែក​មួយ​ដែល​មាន​ទំនោរ​ទៅ​រក​ការ​លេង​ល្បែង​បញ្ញា​ដែល​វា​ធ្វើ​អោយ​ភាគី​ណា​មួយ​ដែល​ប្រកាន់​យក​ធ្លាក់​ចូល​ទៅ​ក្នុង​គន្លង​មួយ​គឺ​ខុស​ហើយ​មិន​ព្រម​ទទួល​រក​តែ​ល្បិច​មក​និយាយ​ដើម្បី​ឈ្នះ​ចាញ់​សម្តី​គ្នា​តែ​ប៉ុណ្ណោះ​។
    ​ជា​សរុប​ទាំង​អ្នក​និយាយ​ទាំង​អ្នក​ស្តាប់​ត្រូវ​ចេះ​សំយោគ​ទស្សនៈ​ដែល​ខ្លួន​បាន​ទទួល​។ការ​ដែល​ប្រកាន់​​យក​តែ​រៀងៗ​ខ្លួន​នឹង​នាំ​អោយ​មាន​ជំលោះ​។រឿង​ខ្លះ​មាន​ដំណោះ​ស្រាយ​រួម​សោះ​ដោយ​សារ​ការ​ប្រកាន់​គំនិត​ខ្លួន​​ចង់​តែ​ឈ្នះ​នាំ​អោយ​ខូច​ប្រយោជន៏​ទាំង​សង​ខាង​។ពេល​ខ្លះ​ឈរ​លើ​គោល​ខុស​គ្នា​ពួក​គេ​ក៏​អាច​អោយ​ន័យ​​ទៅ​លើ​រឿង​តែ​មួយ​ខុសៗ​គ្នា​ហើយ​ពេល​ខ្លះ​ទៀត​មនុស្ស​តែ​ម្នាក់​ម្តង​គាត់​រត់​ទៅ​ឈរ​ខាង​ឆ្វេង​នៃ​បញ្ហា​គាត់​ថា​​បញ្ហា​មាន​រាង​បែប​នេះ​ម្តង​គាត់​រត់​ទៅ​ឈរ​នៅ​ខាង​ស្តាំ​បញ្ហា​គាត់​ថា​បញ្ហា​មាន​រាង​បែប​នោះ​នេះ​ក៏​ជា​បញ្ហា​នាំ​​អោយ​មាន​ជំលោះ​ពេល​ជជែក​ដែរ​។

    . ​លក្ខណះ​ក្រុម​មួយ​ដែល​រឹង​មាំ​
    ក្រុម​មួយ​ដែល​រឹង​មាំ​ទៅ​បាន​ត្រូវ​មាន​ការ​ទុក​ចិត្ត​គ្នា​និង​មាន​សាមគ្គី​ភាព​ក្នុង​ក្រុម​។ក្រុម​នោះ​ត្រូវ​មាន​បុគ្គល​ម្នាក់​ដែល​ជា​ទីគោរព​ជា​ប្រមុខ​ក្រុម​។បុគ្គល​នោះ​ត្រូវ​ជា​មនុស្ស​ដែល​ស្អាត​គ្មាន​ក្នុង​គ្មាន​ក្រៅ​មាន​ទាំង​គុណ​សម្បត្តិ​បេះ​ដូង​និង​មាន​ទាំង​គុណ​សម្បត្តិ​ខួរ​ក្បាល​ជា​គំរូ​ល្អ​មួយ​ក្នុង​ក្រុម​នោះ​។ការ​ប្រជុំ​គ្នា​ញឹក​ញាប់​ដើម្បី​សួរ​គ្នា​ទៅ​វិញទៅ​មក​ដោយ​លក្ខណះ​បើក​ចំហ​ក៏​នាំ​អោយ​ក្រុម​នោះ​យល់​គ្នា​បាន​ងាយ​។ស្វ័យ​ទិទៀន​ជា​លក្ខណះ​មួយ​ដែល​ក្រុម​របស់​បក្ស​កុមុយ​នីស្ត​តែង​ប្រើ​តែ​លក្ខណះ​នេះ​ក៏​ជួយ​អោយ​ម្នាក់ៗ​ក្នុង​ក្រុម​រឹង​មាំ​បាន​ដែរ​ចេញ​ពី​ការ​ស្វ័យ​ទិទៀន​ខ្លួន​ឯង​យើង​អាច​រក​ឃើញ​ចំនុច​ដែល​ត្រូវ​កែ​ប្រែ​ខ្លួន​។សុចរិត​ភាព​ជា​លក្ខណះ​ចំបង​មួយ​ដែល​ក្រុម​មិន​អាច​ខ្វះ​បាន​។តែ​សូម​ចាំ​ថា​ក្រុម​ខ្លះ​សុចរិត​តែ​ក្នុង​ក្រុម​ខ្លួន​តែ​ក្រុម​នោះ​បែរ​ជា​កំពុង​ធ្វើ​ការ​ទុច្ចរិត​មួយ​ទៅ​លើ​ក្រុម​ដទៃ​ទៅ​វិញ​នេះ​មិន​មែន​ជា​លក្ខណះ​ក្រុម​ដែល​យើង​ប្រថ្នា​ចង់​បាន​ទ្បើយ​។ក្រុម​ដែល​រឹង​មាំ​មាន​លក្ខណះ​នៃ​ការ​គ្រប់​គ្រង​តាម​បែប​មិន​គ្រប់​គ្រង​។ពួក​គេ​ផ្តើម​ចេញ​ពី​ការ​ជជែក​ពន្យល់​អោយ​យល់​គ្រប់ៗ​គ្នា​ជា​មុន​សិន​ទើប​គេ​រៀប​ជា​គោល​ការណ៏​ជា​វិន័យ​ដើម្បី​អនុវត្តន៏​ហើយ​គេ​ចេញ​ទៅ​ធ្វើ​សកម្មភាព​ទាំង​អស់​គ្នា​ក្រោម​គោល​ការណ៏​ស្មើភាព​គ្នា​គឺ​ខ្ញុំ​មិន​មែន​ជា​មេដឹក​នាំ​អ្នក​ទេ​ហើយ​អ្នក​ក៏​មិនមែន​ជា​មេដឹក​នាំ​ខ្ញុំ​ដែរ​គឺ​ពួក​យើង​គៀក​ស្មា​គ្នា​ក្នុង​ដំណើរ​ឆ្ពោះ​ទៅ​រក​គោល​ដៅ​រួម​ហើយ​នេះ​ជា​លក្ខណះ​របស់​ក្រុម​យើង​ដែល​កំពុង​ធ្វើ​ដំណើរ​សំដៅ​ទៅ​រក​គោល​ដៅ​រួម​របស់​យើង​គឺ​មាតុ​ភូមិ​មួយ​ដែល​ពួក​យើង​រស់​នៅ​ស្មើភាព​គ្នា​ក្នុង​
    នាម​ជា​ម្ចាស់​
    ការ​ធ្វើ​ការ​ជា​ក្រុម​វា​ងាយ​នឹង​មាន​ការ​ប៉ះ​ទង្គិច​ណាស់​តែ​ក្រុម​យើង​មាន​គោល​ការណ៏​មួយ​គឺ​គ្មាន​ការ​ត្រូវ​​រ៉ូវ​គ្នា​ណា​មួយ​ដែល​មិន​ផ្តើម​ចេញ​ពី​ជំលោះ​នោះ​ទេ​តែ​គោល​ការណ៏​នេះ​វា​ទៅ​ជា​ដូច​នេះ​បាន​លុះ​ត្រា​តែ​វា​មាន​បាត​គ្រឹះ​​សុច​រិត​ភាព​។មនុស្ស​គ្រប់​រូប​សុទ្ធ​តែ​ភ្ជាប់​មក​ជា​មួយ​នូវ​ទស្សនៈ​ពេល​ខ្លះ​ទោះ​មិន​ឈ្លោះ​គ្នា​ក៏​ទស្សនៈ​នោះ​វា​មិន​ត្រួត​​ស៊ីគ្នា​រហូត​ដែរ​តែ​តាម​រយះ​ការ​ជជែក​ដោយ​មាន​បាត​គ្រឹះ​សុចរិត​ភាព​នាំ​អោយ​ទំនាក់​ទំនង​ក្នុង​ក្រុម​កាន់​តែ​រឹង​មាំ​កាន់​​តែ​ស្គាល់​គ្នា​ទុក​ចិត្ត​គ្នា​។

    . ​ផ្សេង​ៗ
    មនុស្ស​ខ្លះ​អាច​រស់​បាន​ដោយ​សារ​តែ​សេចក្តី​សង្ឃឹម​ជា​ពិសេស​មនុស្ស​ដែល​មាន​ជំងឺ​។ពួក​គេ​ត្រូវ​ការ​កំលាំង​​ចិត្ត​ដើម្បី​រស់​ដូច​នេះ​អ្នក​ដែល​នៅ​ជុំ​វិញ​គេ​គួរ​យល់​ពី​ស្ថាន​ភាព​នេះ​។ការ​កុហក់​មនុស្ស​ក្នុង​ស្ថាន​ភាព​បែប​នេះ​ជា​ការ​ជួស​ង្គ្រោះ​តែ​មនុស្ស​ដែល​មាន​សុខ​ភាព​ល្អ​ខ្លះ​ទៅ​ជា​ច្រលំ​វង្វេង​មិន​គិត​ពឹង​លើ​ខ្លួន​ឯង​ដើម្បី​សំរេច​កិច្ចការ​ទេ​បែរ​ជា​ទៅ​រំពឹង​សុំការ​បន់​ស្រន់​ពីព្រះ​ពី​ព្រលឹង​ខ្មោច​ដូន​តា​អោយ​មក​ជួយ​សំរេច​កិច្ចការ​របស់​ខ្លួន​ទៅ​វិញ​។ព្រះ​ពុទ្ធ​ឯណា​​ផ្តល់​ពុទ្ធ​ពរ​អោយ​មនុស្ស​បែប​នោះ​នូវ​កំលាំង​ពលះ​ពណ៌​សំបុរ​កាយ​អោយ​យើង​នោះ​ខណៈ​ដែល​ព្រះ​ពុទ្ធ​ទ្រង់​សំដែង​​ថា​រូប​នេះ​គ្រាន់​តែ​ជា​បន្តុំ​នៃ​អាតូម​រូប​នេះ​ឥត​សារៈ​រូប​នេះ​ឥត​ខ្លឹម​សារ​? ព្រះ​ពុទ្ធ​ឯណា​អោយ​ពុទ្ធ​ពរ​អោយ​មនុស្ស​អាយុ​វែង​បើ​រស់​នៅ​ដើម្បី​តែ​បំផ្លាញ​ខ្លួន​ឯង​និង​អ្នក​ដទៃ​យ៉ាង​នេះ​? សូម​ចុច​​ត្រង់​នេះ​ដើម្បី​ទាញ​យកខ្លឹម​សារ​សង្ខេប​នៃ​ប្រសាសន៏​ លោក វាគ្មិន ខឹម វាសនា ជា PDF(ទាញ​យក​)


    ភ្នំ​ពេញ​ ថ្ងៃ​សុក្រ​ទី០៩ខែធ្នូ​ ឆ្នាំ២០១១


    អ្នកស្រី ប៉ាង វ៉ានថោន

ចែក​រំលែក​ទៅ​កាន់​

Diễn đàn laptop, máy tính bảng